Расея змяніла стаўкі і перанесла плацяжы па крэдытах для Беларусі. Адпаведнае рашэнне прыняла Дзяржаўная дума РФ, піша ТАСС.
Мінфін Расеі адтэрмінаваў для Беларусі плацяжы па крэдытах у агульнай суме на $ 1,4 млрд. Раней афіцыйны Менск прасіў пра гэта ў сувязі з «складанай фінансавай сітуацыяй».
«Гэтыя плацяжы пераносяцца на перыяд з 2028 па 2033 год», – заявіў намеснік кіраўніка Мінфіна РФ Цімур Максімаў.
Таксама Расея змяніла стаўку па крэдытах да 12 % гадавых. Акрамя таго, дакумент, які ратыфікавала Дзярждума, прадугледжвае і павелічэнне для Беларусі агульны ліміт выкарыстання крэдытаў на $ 25 млн.
Асноўным крэдыторам Беларусі з’яўляецца менавіта Расея. З Заходнімі крэдыторамі Менск пастанавіў разлічвацца ў беларускай валюце. У адказ міжнародныя рэйтынгавыя агенцтвы прызналі дэфолт для чатырох выпускаў беларускіх еўрааблігацыяў. Паколькі пастанова плаціць інвестарам у рублях фармальна з’яўляецца парушэннем кантракту, у якім пазначаная валюта разлікаў.
У кастрычніку Сусветны банк заявіў, што Беларусь пратэрмінавала плацяжы ў крэдытах, выдадзеных Міжнародным банкам рэканструкцыі і развіцця (МБРР). Для ўсіх пазыкаў пастаўлены статус непрацоўных. Раней МБРР прыпыніў выдачу крэдытаў Беларусі.
Алена Аляксандрава belsat.eu
