16 чэрвеня ў Кіеў з’язджаюцца лідары краінаў Афрыкі, каб на сустрэчах з украінскімі ўладамі прэзентаваць свой мірны план. Пасля Кіева яны збіраюцца наведаць Санкт-Пецярбург, каб расказаць пра свае ініцыятывы і расейскаму боку. Адзін з пунктаў мірнага плану наўпрост датычыць Беларусі.
Раніцай 16 чэрвеня ва ўкраінскую сталіцу ўжо прыбыў прэзідэнт Паўднёва-Афрыканскай Рэспублікі Сірыл Рамапхоса. Таксама чакаецца, што сёння прыбудуць лідары Каморскіх астравоў, Уганды, Конга і Сенегалу. Не выключаюць прыезду прэзідэнта Егіпту.
У сакавіку 2022 года прэзідэнт ПАР Сірыл Рамапхоса зрабіў заяву аб тым, што ягоны ўрад папрасілі адыграць ролю пасярэдніка ў вайне паміж Расеяй і Украінай. У траўні стала вядома, што Рамапхоса меў тэлефонныя размовы з Уладзімірам Пуціным і Уладзімірам Зяленскім, у якіх выказаў прапанову наведаць па чарзе абедзве краіны і агучыць свой пункт гледжання на магчымае заканчэнне вайны.
Як удалося высветліць «Reuters», у плане, падрыхтаваным афрыканскімі краінамі, прадугледжаныя наступныя пункты:
Пасля візіту ў Кіеў афрыканскія лідары паедуць цягніком у Польшчу, а адтуль двума спецрэйсамі накіруюцца ў Санкт-Пецярбург на сустрэчу з Пуціным.
Раман Шавель belsat.eu