У офісе праваабарончай арганізацыі «ТаймАкт» праходзіць ператрус, паведамляе Тэлеграм-канал Антона Матолькі.
Прадстаўнік «ТаймАкт», які паведаміў пра ператрус, кажа, што шукаюць заснавальніка ўстановы.
Таксама ператрусы ў «Прававой ініцыятыве».
Правялі ператрус у сябры ўправы Яўгена Пугача, сканфіскавалі тэхніку, не затрымлівалі. Праводзяць ператрус на лецішчы ў праваабаронцы Галіны Усцінавай, забралі тэхніку і дакументы.
Па месцы рэгістрацыі старшыні «Прававой ініцыятывы» Вікторыі Фёдаравай быў ператрус у сувязі з крымінальнай справай аб масавых беспарадках. Вікторыя за межамі Беларусі з сакавіка-2021.
16 ліпеня ад раніцы праходзяць ператрусы ў журналістаў незалежных медыяў і грамадскіх актывістаў.