Праваабаронцы паведамляюць пра некалькі выпадкаў падману родных палітычных зняволеных, калі да іх звяртаюцца незнаёмыя людзі, прапануючы дапамогу ў зборы сродкаў на падтрымку палітвязня, а пасля збору грошай гэтыя людзі знікаюць.
Такі від махлярства заўважаны ў Гомельскай вобласці.
Праваабаронцы раяць родным зняволеных звяртацца ў правераныя ініцыятывы па падтрымцы палітвязняў і заўсёды правяраць, ці сапраўды ён належыць да гэтай ініцыятывы. Напрыклад, можна напісаць гэтай ініцыятыве і спытаць, ці ёсць у іх такі чалавек.
Таксама праваабаронцы нагадваюць, што для пераліку грошай на картку не патрэбны CVC-код. З ахвотнымі дапамагчы можна дамовіцца аб офлайн-падтрымцы – напрыклад, каб яны дапамаглі прадуктамі для збору перадачы, узгадніўшы час або спіс неабходнага.
Алена Рувіна belsat.eu
