Служба бяспекі Украіны адрэагавала на заяву Аляксандра Лукашэнкі пра нарошчванне Украінай вайсковага патэнцыялу на мяжы з Беларуссю. У ведамстве лічаць, што словы Лукашэнкі з’яўляюцца фэйкам і часткай інфармацыйнай вайны, піша Interfax.
Аляксандр Лукашэнка заявіў, што каля мяжы Беларусі Украіна нарошчвае сілы, засяроджваючы падраздзяленні нацыянальнай гвардыі з «нацыяналістаў-радыкалаў». Служба бяспекі Украіны назвала гэтую заяву фэйкам.
«Акрамя падкрэсліваем: маніпулятыўныя заявы пракрэмлёўскіх палітыкаў і прадстаўнікоў дзяржаваў-сатэлітаў РФ пра нібыта нарошчванне Украінаю паблізу ўласнай мяжы «нацыяналістаў-радыкалаў», якія нібыта горшыя за «натаўскіх вайскоўцаў», не адпавядаюць рэчаіснасці, і зʼяўляюцца палітычнай часткай інфармацыйнай вайны», – паведаміў прэсавы-сакратар СБУ Арцём Дзехцярэнка.
У СБУ заклікалі ўкраінскія і міжнародныя медыі дбайна правяраць падобную інфармацыю, каб не садзейнічаць рэалізацыі варожых спецыяльных інфармацыйных аперацый.
СК belsat.eu
