Аляксандр Лукашэнка, наведваючы 17 лютага палігон Асіповіцкі, дзе праходзіць сумеснае аператыўнае вучэнне ўзброеных сіл Беларусі і Расеі, пракаментаваў магчымасць прызнання сепаратысцкіх рэгіёнаў Украіны «ЛНР» і «ДНР».
Лукашэнка заявіў, што рашэнне пытання аб іх прызнанні будзе сумесным з РФ і ўзаемавыгадным.
«Мы дамовімся з Пуціным, як нам зрабіць, каб было лепш для Расеі і для Беларусі. Але гэта будзе сумеснае рашэнне», – цытуе Лукашэнку ягоная прэс-служба.
Напярэдадні стала вядома, што Беларусь не атрымае ад Еўразійскага фонду стабілізацыі і развіцця запытаныя 3,5 мільярда долараў. Масква гатовая аказаць толькі меншую падтрымку і тое дзеля аплаты ранейшых даўгоў Менску.
ПС belsat.eu
