Па ўсім свеце каталікі 17 красавіка святкуюць Вялікдзень – адно з самых галоўных хрысціянскіх святаў.
Як паведамляе DW, падчас велікоднай імшы ў ватыканскай базіліцы Святога Пятра Папа Рымскі Францішак звярнуўся да ўкраінскай дэлегацыі, у складзе якой быў у тым ліку мэр Мэлітопалю Іван Фэдараў. Раней Фэдараў пабываў у расейскім палоне.
«У гэтай цемры, у якой вы жывяце, цемры вайны, жорсткасці, сёння ўсе мы молімся за вас і разам з вамі. Мы молімся, бо так шмат пакутаў. Усё, што мы можам вам даць, гэта быць побач, маліцца і сказаць вам: «Трымайцеся, мы разам з вамі», – сказаў Папа Рымскі.
Таксама ён прамовіў па-ўкраінску «Хрыстос уваскрос!», паведамляе Reuters.
РР belsat.eu