З 1 траўня пенсіі ў Беларусі павысяцца ў сярэднім на 5 працэнтаў. Адпаведны ўказ 17 красавіка падпісаў Аляксандр Лукашэнка, паведамляе ягоная прэс-служба.
Павышэнне закране ўсе віды пенсіяў: працоўныя, па ўзросту, з нагоды страты карміцеля і за выслугу гадоў.
«У траўні выдаткі на выплату пенсій складуць 1,5 млрд рублёў, з іх 78 млн рублёў на іх павышэнне паводле ўказу», – сказана ў паведамленні.
Атрымальнікамі працоўных пенсіяў з’яўляюцца 2,3 млн чалавек.
Алена Рувіна belsat.eu
