Аляксандр Бірылаў – абаронца журналіста Анджэя Пачобута – праходзіў атэстацыю адвакацкай камісіі 16 чэрвеня. Вердыкт Мінюсту: недастатковая кваліфікацыя, каб працягваць адвакацкую дзейнасць.
Бірылава раней ужо накіроўвалі на пераатэстацыю – у 2021 годзе. Тады камісія прызнала, што дзейнасць адваката не адпавядае патрабаванням заканадаўства. У выніку абаронцы прызначылі яшчэ адную атэстацыю праз 6 месяцаў. У лістападзе 2021 года і ў снежні 2022 года Бірылаў праходзіў пераатэстацыю, вынікам якой ізноў стала адтэрмінаванне здачы.
Аляксандр Бірылаў працуе адвакатам больш за 26 гадоў. Спецыялізуецца на цывільным і крымінальным праве. Абараняў палітвязня, журналіста і актывіста Саюзу палякаў Анджэя Пачобута, журналістаў, працаўнікоў незалежнай газеты «Пагоня» Міколу Маркевіча і Паўла Мажэйку, старшыню прадпрымальцкага страйкаму Валера Леванеўскага, палітвязняў Ігара Банцэра і Сяргея Рымшу, рэдактара Hrodna.life Аляксея Шоту, працаўніка ІТ-галіны Уладзіміра Родчанку, журналіста Дзяніса Івашына.
Марыя Міхалевіч belsat.eu
