Прызначэнне амбасадара ў Беларусі было б маўклівым прызнаннем прэзідэнцтва Аляксандра Лукашэнкі, лічаць у Эстоніі, піша ERR.News.
«Дыпламат, прызначаны на пасаду амбасадара Эстоніі ў Беларусі, у канчатковым выніку не будзе займаць гэтую пасаду, – заявіла міністарка замежных справаў Эстоніі Ева-Марыя Лійметс. – Гэта было б маўклівым прызнаннем прэзідэнцтва Аляксандра Лукашэнкі і цалкам недарэчна, бо ні Эстонія, ні ЕЗ не прызнаюць вынікаў беларускіх прэзідэнцкіх выбараў у жніўні мінулага года, якія былі адзначаныя масавымі фальсіфікацыямі».
Эстонія не лічыць Аляксандра Лукашэнку легітымным кіраўніком дзяржавы, кажа Лійметс, таму ўручэнне амбасадарам даверчых лістоў не адбудзецца.
Ліймест прадставіла шэраг магчымых альтэрнатываў поўнвартаснаму дыпламатычнаму прадстаўніцтву. Гэта можа быць прызначэнне часовага паверанага ў справах, захаванне пасла, які будзе працаваць з Таліна і, адпаведна, не будзе ўручаць даверчыя лісты ці працягунуць працу амбасады з меньшай колькасцю працаўнікоў без новых прызначэнняў.
Менск на пачатку ліпеня загадаў Літве, а раней – Латвіі зменьшыць колькасць консульскіх супрацоўнікаў амбасадаў да аднаго.
ГГ, belsat.eu
