У апублікаванай заяве саміту ЕЗ гаворыцца, што Еўрапейская рада ўважліва сочыць за хутчэйшаю рэалізацыяй забаронных захадаў пасля зацвярджэння пятага санкцыйнага спісу, а таксама «пра гатовасць прыняць новыя санкцыі ў выпадку неабходнасці».
Еўрапейская рада заявіла пра падтрыманне мігрантаў у іхным вяртанні дадому з тэрыторыі Беларусі.
У ЕЗ таксама заклікалі вызваліць усіх палітычных вязняў і спыніць рэпрэсіі супраць грамадзянскай супольнасці ды незалежных медыяў.
Лідары 27 краінаў ЕЗ асудзілі дзеянні Менску ў «інструменталізацыі мігрантаў ды ўцекачоў», у выніку чаго на мяжы з ЕЗ утварыўся гуманітарны крызіс.
МГМ, belsat.eu
