На мінулым тыдні пенсіянерка Алена Гнаўк атрымала 15 содняў арышту за парушэнне рэжыму адбывання «хатняй хіміі», 11 студзеня яе змясцілі ў ІЧУ Пружанаў.
Гэтым «парушэннем» сталі мяхі на плоце «па схеме БЧБ», якія міліцыянты палічылі пікетаваннем. За гэта жанчына таксама атрымала штраф 50 базавых велічыняў.
Як паведамілі «Белсату» сваякі Алены Гнаўк, на соднях з жанчыны здзекуюцца.
«Па загадзе кіраўніка пружанскага РАУС ёй забаронена атрымліаць перадачы, пісаць і чытаць. Мы лічым, такім чынам яны спрабуюць яе ламаць», – кажуць сваякі Алены Пятроўны.
Тэрмін утрымання Гнаўк пад вартай скончыцца 25 студзеня. Нагадаем, што паводле двух артыкулаў Крымінальнага кодэксу пенсіянерка асуджаная на тры гады «хатняй хіміі».
АЛ, belsat.eu
