Уздоўж аднаго з участкаў мяжы з Беларуссю польскія фермеры разлілі свіны гной. Так яны спадзяюцца адпудзіць парушальнікаў-мусульманаў ад спробаў незаконна трапіць у Еўразвяз.
Відэа акцыі з’явілася на старонцы Агульнапольскага пратэсту фермераў (OOPR) у сацсетцы X.
У каментары выданню «Wirtualna Polska» адзін з удзельнікаў патлумачыў: «Мы пачынаем паліваць польска-беларускую памежную паласу свіным гноем. Гэтым мы паказваем, што салідарныя з нашымі сілавымі структурамі. Мы пакажам уладам, як трэба абараняць нашую тэрыторыю».
Фермеры мяркуюць, што перасякаць залітую свіным гноем паласу не стануць мігранты, якія вызнаюць іслам (яны лічаць свінню нячыстаю жывёлінаю). А такіх сярод мігрантаў, на думку пратэстоўцаў, большасць.
Тым часам у пунктах пропуску на 14:00 зафіксаваныя чэргі з аўтамабіляў і аўтобусаў.
Праз Мядзінінкай за содні ў Літву заехалі ўсяго 10 % фураў ад нормы.
1920 адзінак грузавога транспарту чакаюць уезду ў ЕЗ.
Чэргі легкавікоў захоўваюцца на ўсіх напрамках руху ў Еўразвяз – 640 аўтамабіляў. Больш за ўсё – на польскай мяжы, 350 аўтаў. За содні чарга аўтобусаў на ўезд у Польшчу праз пераход «Тэрэспаль Берасце» вырасла з 17 да 28 адзінак.
Ася Саковіч belsat.eu
