Дзевяць краінаў збіраюцца паставіць Украіне танкі, цяжкую артылерыю, сродкі супрацьпаветранай абароны, боепрыпасы і баявыя машыны пяхоты. Аб гэтым гаворыцца ў агульнай заяве, якая атрымала назву «Таллінскія абяцанні».
19 студзеня ў Талліне адбылася сустрэча міністраў абароны Эстоніі, Вялікабрытаніі, Польшчы, Латвіі, Літвы і прадстаўнікоў Даніі, Чэхіі, Нідэрландаў і Славакіі. Пасля сустрэчы яе ўдзельнікі зрабілі сумесную заяву, якая атрымала назву «Талінскія абяцанні» (The Tallinn Pledge).
Падпісанты дакумента адзначаюць, што ўзбройваць Украіну для выцяснення Расеі з акупаванай украінскай тэрыторыі гэтак жа важна, як і ўзбройваць украінцаў для абароны той тэрыторыі, якая знаходзіцца пад украінскім кантролем.
«Разам мы працягнем падтрымліваць Украіну, каб перайсці ад супраціву да выгнання расейскіх сіл з украінскай тэрыторыі. Шляхам абʼяднання саюзнікаў і партнёраў, мы забяспечваем, што рост глабальнай ваеннай падтрымкі будзе максімальна стратэгічным і скаардынаваным», – гаворыцца ў сумеснай заяве.
Пры гэтым, у дакуменце адзначаецца, што новы ўзровень неабходнай баявой моцы можа быць дасягнуты толькі толькі комплексным чынам, калі спалучаецца патэнцыял танкаў, СПА, супрацьракетнай абароны ў сумесных дзеяннях з групамі дывізійнай артылерыі і высокадакладным агнявым навядзеннем, што дапаможа паражаць лагістычныя і пункты кіравання на акупаваных тэрыторыях.
«Таму, мы калектыўна абавязваемся дабівацца пастаўкі беспрэцэдэнтнага набору ахвяраванняў, у тым ліку танкаў, цяжкай артылерыі, супрацьпаветранай абароны, боепрыпасаў і баявых машын пяхоты для абароны Украіны», – адзначаецца ў заяве.
Адзначана, што гэтая дапамога будзе паступаць з нацыянальных вайсковых запасаў і рэсурсаў. У заяве таксама падрабязна пералічана, якая краіна якое ўзбраенне паставіць.
Ухваліўшы «Талінскія абяцанні», прадстаўнікі дзевяць краін адпраўляюцца на пасяджэнне Кантактнай групы па пытаннях абароны Украіны («Рамштайн-8»), якое адбудзецца 20 студзеня на авіябазе «Рамштайн», і заклікаюць іншыя краіны зрабіць іх уласны ўклад падтрымкі, «каб як мага хутчэй забяспечыць перамогу Украіны на полі бою ў 2023 годзе».
The UK 🇬🇧 and our international partners are more determined than ever to support Ukraine 🇺🇦 in 2023.
Defence Secretary @BWallaceMP today met with Defence Minister’s from partner nations to discuss next steps for Ukraine, including heavy armour capability. pic.twitter.com/aSp0pgeWZj
— Ministry of Defence 🇬🇧 (@DefenceHQ) January 19, 2023
Антон Тачняк belsat.eu