Сама меней 14 чалавек загінулі ў выніку моцнага землятрусу, які адбыўся 18 сакавіка ў прыбярэжным раёне Эквадору і на поўначы Перу. Пра гэта паведамляе Reuters.
Землятрус магнітудай 6,8 адбыўся на глыбіні 66,4 км прыкладна за 10 км ад гораду Баляа (Balao) у правінцыі Гуаяс (Guayas). Улады заявілі, што землятрус не можа выклікаць цунамі.
#SISMO ID:igepn2023fkeq Revisado 2023-03-18 12:22:39 TL Magnitud: 4.8 Profundidad: 24 km, a 29.26 km de Balao, Guayas, Latitud: -2.87 Longitud:-79.96 Ecuador. Sintió este sismo? Repórtelo en https://t.co/eu8aa9Cegp pic.twitter.com/kFC2Qi14kC
— Instituto Geofísico (@IGecuador) March 18, 2023
У выніку землятрусу загінулі 14 чалавек і больш як 380 асобаў атрымалі раненні, пераважна жыхары правінцыі Эль-Ора (El Oro). Сама меней 44 дамы былі разбураныя, яшчэ 90 атрымалі пашкоджанні. Таксама пацярпелі каля 50 навучальных установаў і больш як 30 медычных цэнтраў, а некалькі дарог былі заблакаваны апоўзнямі, выкліканымі землятрусам. Аэрапорт Санта-Роса (Santa Rosa) атрымаў нязначныя пашкоджанні, але працягваў працаваць.
Дзяржаўная нафтавая кампанія «Petroecuador» эвакуявала людзей і прыпыніла дзейнасць на некалькіх аб’ектах з меркаванняў бяспекі.
Visité el Hospital General del IESS-Machala para verificar personalmente el estado de salud de los ciudadanos afectados por el sismo. Todos han sido atendidos por el personal de salud y tendrán seguimiento para su recuperación. Ecuatorianos, no están solos. pic.twitter.com/Ywb1d0vPYW
— Guillermo Lasso (@LassoGuillermo) March 19, 2023
За першым землятрусам у наступную гадзіну адбыліся два слабейшыя падземныя штуршкі.
Улады Перу заявілі, што землятрус адчуваўся ў паўночным рэгіёне краіны, але пра ахвяры не паведамлялася.
Якуб Хруст belsat.eu