Каля Іўя знайшлі пенсіянера, які заблукаў у лесе. Пошукі трывалі двое содняў. Мужчыну шпіталізавалі, паведамляе МНС.
71-гадовы мужчына знік 16 жніўня ў лесе непадалёку ад Іўя, калі пайшоў па грыбы. Ягоная жонка паведаміла ратавальнікам, што ў прызначаны час сужэнец не вярнуўся дадому, а мабільны тэлефон недаступны. З таго дня трывалі пошукі.
У ратавальнай аперацыі бралі ўдзел 80 асобаў, было задзейнічана 16 адзінак тэхнікі.
Як паведамілі ў МНС, 18 жніўня пенсіянера знайшлі і шпіталізавалі. Мужчына быў у прытомнасці, аднак вельмі знясілены.
Сяргей Крот belsat.eu
