Польскі жаўнер трапіў у шпіталь пасля ранення ў галаву каменем, кінутым з беларускага боку, паведаміла памежнае ведамства Польшчы.
Траўму вайсковец атрымаў падчас чарговай спробы прарыву беларуска-польскай мяжы. Пацярпелы цяпер у шпіталі.
Польская памежная служба апублікавала здымак, які дазваляе ацаніць памер камянёў, што ляцелі ў памежнікаў.
Minionej nocy podczas siłowego forsowania gr. przez cudzoziemców wspieranych przez służby??,ucierpiał #żołnierzWP -został uderzony kamieniem w głowę, przebywa w szpitalu.
W tym tygodniu szpital opuściła #funkcjonariuszkaSG, która dwa tygodnie temu została uderzona petardą hukową. pic.twitter.com/nZuNHqz8Hp— Straż Graniczna (@Straz_Graniczna) January 20, 2022
За мінулыя содні беларуска-польскую мяжу спрабавалі незаконна мінуць 38 чалавек.
Польскі бок за мінулы год зафіксаваў каля 40 тысяч спробаў незаконна трапіць у Польшчу з Беларусі. Год раней – 122. Апошнім часам мігранты спрабуюць пракрасціся на польскую тэрыторыю невялікімі групамі. Паводле заяваў польскіх памежнікаў, дапамагаюць мігрантам незаконна перайсці мяжу беларускія сілавікі.
МГМ, belsat.eu