У Менску затрымалі 34-гадовага вядучага інжынера Цэнтру інфармацыйных тэхналогіяў Менгарвыканкаму. У праўладных тэлеграм-каналах з’явілася «пакаяннае» відэа з затрыманым.
Супрацоўнікі ГУБАЗіКу затрымалі мужчыну за нібыта ўдзел у «экстрэмісцкім фармаванні». На відэа ён кажа, што быў падпісаны на тэлеграм-канал «BYPOL» і зарэгістраваны ў чат-боце плану «Перамога».
Аўтары праўладнага канала паведамляюць, што мужчына будзе прыцягнуты да крымінальнай адказнасці.
Алена Рувіна belsat.eu
