Праваабаронцы прызналі палітвязнямі яшчэ 8 асобаў. Цяпер, паводле праваабарончага цэнтру «Вясна», у нашай краіне 1260 палітычных зняволеных.
Праваабарончая супольнасць Беларусі выступіла з заявай, у якой прызнала палітвязнямі восем новых асобаў.
Алег Сінякоў, Ганна Кандраценка, Аляксандр Жэдзік, Галіна Кавалёва, Дзяніс Шустаў, Дзмітры Прохараў, Аляксандр Каценка, Яўген Туравец асуджаныя за абразу службовых асобаў і знявагу дзяржаўных сімвалаў.
Праваабаронцы лічаць пераслед і пазбаўленне волі гэтых асобаў палітычна матываваным і назвалі іх палітычнымі зняволенымі. У сувязі з гэтым заклікаюць улады краіны спыніць пераслед грамадзянаў краіны і неадкладна вызваліць усіх палітвязняў.
Цяпер у нашай краіне 1260 палітычных зняволеных.
Алена Аляксандрава belsat.eu
