Генеральная пракуратура паведаміла пра жахлівы выпадак, які адбыўся ў Берасці: бацька, ведаючы, што мае венерычную хваробу, пяць гадоў гвалтаваў свайго малога сына.
Як адзначаюць, у дачыненні другога дзіцяці ён здзяйсняў дзеянні «іншага сексуальнага характару».
Раней сям’я была на ўліку як тая, што ў сацыяльна небяспечным становішчы. Але пазней статус знялі, палічыўшы, што сітуацыя выправілася.
Маці дзяцей кажа, не ведала пра тое, які жах адбываўся ў сям’і.
Мужчыну асудзілі на 15 гадоў у калоніі ўзмоцненага рэжыму.
Усяго за апошнія пяць гадоў у Беларусі ахвярамі злачынстваў супраць палавой недатыкальнасці ці палавой свабоды сталіся больш за 3,5 тысячы дзяцей.
Раман Шавель belsat.eu
