Палякі сталі бачыць прамовы Генеральнага пракурора Беларусі ў якасці рэкламы на Youtube.
Медыяэксперт iSANS Серж Харытонаў адзначыў паведамленні палякаў у Twitter аб тым, што на іх таргетуюць (то значыць, закупаюць для абмежаванай аўдыторыі) беларускую рэкламу – у прыватнасці, прамовы Генеральнага пракурора Беларусі Андрэя Шведа.
Białoruskie reklamy propagandowe na kanale sportowym. Pan opowiada jak źli są Polacy i co robią z biednymi migrantami. To niezły ten YT @K_Stanowski @Polsport @BorekMati @TSmokowski @Sportowy_Kanal pic.twitter.com/3cqc9fEq7A
— Michał Murawski (@MichaMurawski2) November 20, 2021
Wam też w ramach reklam na yt odpala się łukaszenkowska propaganda? #Propaganda #Białoruś #granica pic.twitter.com/syuXvnmV8H
— Bartek (@BartyKoz) November 19, 2021
Са скрыншотаў не зразумела, што за прамова то была і ці падавалася яна з перакладам на польскую мову. Аднак адзін з гледачоў рэкламы зразумеў, што «спадар расказвае, якія кепскія палякі і што робяць з беднымі мігрантамі».
На падобным фоне Швед заяўляў, што Польшча выкарыстоўвала атрутныя і таксічныя рэчывы супраць мігрантаў, якія пад наглядам беларускіх сілавікоў штурмавалі мяжу на пераходзе «Брузгі».
Рэкламу замовіў Telegram-канал «Ваши сливы», звязаны з дзяржаўным тэлеканалам АНТ і байцамі ГУБАЗіК. На беларусаў такую рэкламу закупаюць ужо больш за год.
АА belsat.eu