Святлана Ціханоўская праводзіць агульнанацыянальную дыктоўку. Акцыя прымеркаваная да Дня роднай мовы, які адзначаецца 21 лютага.
Стрым, у якім Святлана Ціханоўская зачытае нацыянальную дыктоўку, з’явіцца а 18-й гадзіне на YouTube-канале палітыка.
«Кожны жадаючы можа далучыцца да акцыі, зрабіць фота свайго аркуша з дыктоўкай і адзначыць Святлану Ціханоўскую. Давайце пакажам адно аднаму, як беларусы шануюць матчыну мову!» – адзначае прэс-служба Святланы Ціханоўскай.
21 лютага Арганізацыя Аб’яднаных Нацыяў святкуе Міжнародны дзень роднай мовы. Летась, калі пачалася Беларуская рэвалюцыя, не толькі беларусы даведаліся больш самі пра сябе і сваіх сяброў, сваякоў, калегаў і суседзяў, але і ўвесь свет пачуў пра Беларусь. З гэтай нагоды карэспандэнты «Белсату» таксама падрыхтавалі беларускую Азбуку пратэсту – ад А да Я.
МГ belsat.eu
