Кіраўнік Беларускай сацыял-дэмакратычнай партыі (Грамада) Ігар Барысаў быў затрыманы на вачах жонкі і дзіцяці.
Пра затрыманне палітыка паведаміла ў Фэйсбуку ягоная жонка Алена.
Ігара Барысава схапілі, калі ён разам з сямʼёй вяртаўся дадому. Аўтамабіль спынілі людзі ў масках.
Хто канкрэтна праводзіў затрыманне і ў чым вінавацяць палітыка – невядома.
БСДП (Г), якую ўзначальвае Барысаў, разам з рухам «За свабоду» і БНФ «Адраджэнне» падавалі заяўку ў Менскі гарвыканкам на правядзенне шэсця на Дзень Волі 25 сакавіка. Заяўку прадстаўнікі апазіцыі перадалі гарадскім уладам 9 сакавіка. На наступны дзень кіраўнік КДБ Іван Церцель абвінаваціў апазіцыю ў падрыхтоўцы правакацыяў падчас Дня Волі і ў наступныя дні.
ІІ belsat.eu
