Крымінальная справа супраць праваабаронцы Леаніда Судаленкі перададзеная ў суд Цэнтральнага раёну Гомля. У хуткім часе стане вядомая дата пачатку судовых пасяджэнняў, паведамляе праваабарончы цэнтр «Вясна».
Нагадаем, што Леанід Судаленка, старшыня Гомельскага аддзялення Праваабарончага цэнтру «Вясна», быў затрыманы ў межах крымінальнай справы паводле ч. 1 і 2 арт. 342 КК («Групавыя дзеянні, якія груба парушаюць грамадскі парадак»).
Праваабаронцу забралі 18 студзеня дарогаю ў офіс, адвезлі на допыт у Следчы камітэт, куды адвакат змог трапіць толькі бліжэй да вечара. Затым Судаленку змясцілі ў ізалятар, а праз некалькі дзён перавялі ў СІЗА. Беларуская праваабарончая супольнасць прызнала Судаленку палітычным зняволеным.
АД, belsat.eu