Праз высокі пад’ём сезонных захворванняў Міністэрства аховы здароўя дазволіла школьнікам і студэнтам не падаваць медычнай даведкі, калі яны адсутнічаюць на занятках не больш за 5 дзён.
«На перыяд высокага ўздыму захворвання на вірусныя інфекцыі, у выпадку адсутнасці навучэнцаў на занятках на працягу 5 дзён у сувязі з узнікненнем у іх вострых рэспіраторных вірусных захворванняў, прадастаўленне даведкі аб часовай непрацаздольнасці не патрабуецца», – заявілі ў Міністэрстве аховы здароўя.
Адпаведны дазвол распаўсюджваецца на вучняў сярэдніх школ, прафесійна-тэхнічных устаноў, устаноў сярэдняй спецыяльнай і вышэйшай адукацыі.
Паведамляецца, што мера часовая і ўведзена да асаблівага распараджэння на перыяд уздыму захворвання. У мінулым годзе ведамства выступіла з такой жа ініцыятывай.
Алена Рувіна belsat.eu
