У Стаўбцоўскім раёне пад коламі хуткаснага цягніка загінула пажылая пара. Аб здарэнні паведамляе Следчы камітэт.
Паводле звестак следства, раніцай 22 красавіка на станцыі «Адцэда» у Стаўбцоўскім раёне хуткасным цягніком смяротна траўмаваныя 80-гадовыя мужчына і жанчына.
«Устаноўлена, што загінулыя муж і жонка пераходзілі шляхі па пешаходным пераходзе на забаронны гукавы і светлавы сігнал святлафора», – гаворыцца ў паведамленні.
На месцы здарэння працуе следча-аператыўная група, абставіны здарэння высвятляюцца Стаўбцоўскім раённым аддзелам Следчага камітэту, праводзіцца праверка.
Мірон Маліна belsat.eu