Цагаль паведамляе, што адзін з ізраільскіх танкаў выпадкова зрабіў стрэл па егіпецкім памежным пункце каля сектару Газа, у населеным пункце Керэм-Шалом.
Reuters са спасылкай на прэс-сакратара арміі Егіпта паведамляе, што некалькі егіпецкіх памежнікаў атрымалі лёгкія раненні ад аскепкаў ізраільскага снарада.
«Па факце здарэння праводзіцца расследаванне, падрабязнасці высвятляюцца», – паведаміла Армія абароны Ізраілю.
Цагаль выказаў шкадаванне ў сувязі з інцыдэнтам на мяжы з Егіптам.
Улады Егіпту не падтрымліваюць ні тэрору «Хамасу», ні дзеянняў Ізраілю, які, на іх думку, выйшаў за межы законнай самаабароны. Таксама Егіпет выступае супраць таго, каб адкрываць калідоры для перамяшчэння ўцекачоў з сектару Газа праз сваю тэрыторыю.
Глеб Нержын belsat.eu
