У Магілёве асуджаных на «хімію» масава выпраўляюць галасаваць датэрмінова, паведамляе праваабарончы цэнтр «Вясна».
Так, у першы дзень датэрміновага галасавання 22 лютага «хімікаў», якія не былі задзеяныя ў працы, вадзілі галасаваць.
23 лютага адміністрацыя загадала прагаласаваць тым, хто быў на працы. Тых, хто не мог самастойна схадзіць, абяцалі падвезці.
Вядома, што ў ПУАТ № 43 у Магілёве адбываюць пакаранне 20 палітзняволеных.
Рэферэндум аб змяненнях у Канстытуцыю Беларусі пройдзе ў нядзелю 27 лютага. З 22 да 26 лютага адбываецца датэрміновае галасаванне.
ГГ, belsat.eu
