У Беластоку ў скверы Вольнай Беларусі прадстаўнікі дыяспары зладзілі акцыю «Разам супраць пагрозы суверэнітэту». У мітынгу таксама ўзялі ўдзел жаўнеры Паспалітага рушэння, паведаміў карэспандэнт «Белсату».
Акцыю зладзілі ля беларускага консульства, дзе нядаўна з’явіўся сквер Вольнай Беларусі. Беларусы выступілі супраць ядравай зброі, вагнэраўцаў і расейскіх базаў у нашай краіне.
«Мы, беларусы за мяжою, выходзячы на акцыі пратэсту, можам паказаць усяму свету, што нам не ўсё роўна», – заявілі ўдзельнікі акцыі.
Разам з беларусамі Беластоку ў акцыі ўзялі ўдзел жаўнеры Паспалітага рушэння.
Акцыя называлася «Разам супраць пагрозы суверэнітэту».
Беларусы Беластоку рэгулярна ладзяць акцыі побач з консульствам. 11 ліпеня дыяспара ўспамінала закатаванага мастака Алеся Пушкіна. 18 чэрвеня беларусы правялі акцыю салідарнасці з палітвязнямі.
Сяргей Крот belsat.eu
