Зброя, якую паказалі ў тызэры сюжэту, нібыта «прызначалася для ўзбраення тэрарыстычных групаў», – паведамляе тэлеграм-канал Белтэлерадыёкампаніі.
Паводле інфармацыі БТ, затрыманы Сяргей Сакалоў зрабіў некалькі хованак са зброяй, а сам ёсць адмыслоўцам у падрыўной справе і мае снайперскую падрыхтоўку. У сюжэце ідзецца пра тое, што мужчына сачыў за палітыкамі і сілавікамі, каб напасці на іх.
Сілавікі выйшлі на затрыманага падчас распрацоўвання справы пра напад на дом дэпутата Алега Гайдукевіча.
На відэа Сакалоў распавядае, што з ім звязаўся нейкі Алег, запрапанаваў рыхтаваць падтрымку супраціву ў Беларусі і дамовіўся пра сустрэчу ў Кіеве.
МГМ, belsat.eu