Расейскі крэдыт у $ 1,5 млрд даецца на рэалізацыю супольных праектаў у сферы імпартазамяшчэння.
«Наконт крэдыту, вядомага як $ 1,5 млрд, дамоўленасці ёсць. У прынцыпе, ён мог бы быць ужо падпісаны, але пакуль не завершаныя бюракратычныя працэдуры.
У нас чакаецца іх завяршэнне на наступным тыдні. У Беларусі яны таксама маюць быць завершаныя, але можа, крыху даўжэй, чым у нас», – заявіў віцэ-прэмʼер РФ Аляксей Авярчук, піша «Інтэрфакс».
У пачатку кастрычніка прэмʼер-міністр Раман Галоўчанка казаў, што Беларусь да канца года з выкарыстаннем расейскіх крэдытных сродкаў плануе запусціць сем праектаў на $ 330 млн «у асноўным у сферы машынабудавання». Ён адзначыў, што сума крэдыту складзе $ 1,5 млрд у эквіваленце, але, «магчыма, будзе яшчэ большай».
Як адзначыў 22 кастрычніка Аляксей Авярчук, «пра павелічэнне не ідзецца, але гэта крэдыт у рублях, і праз тэрміны выкарыстання грошай магчымыя розніцы».
Нагадаем, пра тое, што Расея плануе даць Беларусі каля $ 1,5 млрд на праграмы імпартазамяшчэння, Аляксандр Лукашэнка заявіў яшчэ ў чэрвені.
Глеб Нержын belsat.eu