Транспартны самалёт «Іл-76» разбіўся 23 верасня блізу Гао, што ў Малі. Выказваліся здагадкі, што гэта быў самалёт беларускай авіякампаніі «Rubystar Airways», нават што ён перавозіў баевікоў групы Вагнэра. Аднак беларускі самалёт знайшоўся цэлым у звестках сэрвісу «Flight Radar».
Il y a + de 15h, un Avion de transport Iliouchine-76 🇷🇺 affrété par le Mali 🇲🇱 et Wagner Group s’est crashé à l’atterrissage à Gao (Mali) 👊🏻
Toujours aucun communiqué officiel de la Junte Malienne 👊🏻 pic.twitter.com/j8FhpqcVxw
— La Punchline de Yakovleff (@G_Yakovleff) September 24, 2023
На гісторыю звярнула ўвагу выданне Reform.by. Беларускі самалёт з нумарам EW-412TH вылецеў з Менску ноччу 22 верасня, паляцеў у бок Астаны і знік з радараў на мяжы з Казахстанам. Пэўны час меркавалася, што менавіта ён разбіўся ў Малі.
Аднак спачатку малійскі журналіст пісаў, што разбіўся самалёт з іншым нумарам, а затым знайшоўся і беларускі самалёт: ранкам 23 верасня з’явіўся на радарах над Расеяй, ляцеў з боку Казахстану і прыляцеў у Стамбул, а вечарам 24 верасня паляцеў са Стамбулу кудысьці на захад.
Застаецца невядомым, што рабіў беларускі самалёт над Казахстанам і куды ляцеў далей, што рабіў у Турэччыне і куды паляцеў цяпер. Таксама невядома, што за самалёт разбіўся ў Малі.
Беларуская кампанія «Rubystar» даўно вядзе загадкавую дзейнасць: займаецца чартарнымі перавозамі ў кірунку Турэччыны, Грузіі ды Азербайджану, а самалёты перыядычна знікаюць з радараў. У 2020 годзе выказваліся здагадкі, што праз гэтую авіякампанію рэжым Аляксандра Лукашэнкі можа ўзбройваць Азербайджан і лівійскіх баевікоў.
Алесь Наваборскі belsat.eu