Група з больш чым ста замежнікаў увечары 23 лістапада спрабавала прарвацца з тэрыторыі Беларусі ў Польшчу, паведамляе польская Памежная ахова ў сваім акаўнце ў тўітэры.
Паводле польскіх памежнікаў, мігранты былі агрэсіўна настроеныя і кідалі камяні. За гэтым спакойна назіралі супрацоўнікі беларускіх службаў, што бачна на відэа, якое апублікавала Памежная ахова Польшчы.
Wczoraj tj.23.11 ok.19.00 grupa ponad 100 agresywnych cudzoziemców siłowo forsowała granicę????. W służby polskie rzucano kamieniami.
Atak odbywał się pod nadzorem białoruskich służb.#zgranicy pic.twitter.com/vGwLO5MVvb— Straż Graniczna (@Straz_Graniczna) November 24, 2021
За мінулыя содні, паводле польскага ведамства, былі зафіксаваныя 267 спробаў незаконнага пераходу беларуска-польскай мяжы. Памежнікі выдалі 44 рашэнні з патрабаваннем пакінуць тэрыторыю Польшчы.
Цягам 2021 года больш за 7500 мігрантаў трапілі ў Літву, Польшчу і Латвію з тэрыторыі Беларусі. Больш за 40 тысяч спробаў перайсці мяжу з Еўразвязам былі перадухіленыя. Паводле еўрапейскіх чыноўнікаў, цяпер у Беларусі каля 15 тысяч мігрантаў, дзве тысячы з іх – на мяжы. Такія звесткі агучылі прадстаўнікі Еўракамісіі на слуханнях у Еўрапарламенце аб сітуацыі з мігрантамі з мяжы з ЕЗ.
ГГ, belsat.eu