Брытанскі вытворца безрэцэптурных медычных прэпаратаў «Mentholatum» ужо месяц як перастаў рэкламаваць сваю прадукцыю на беларускім дзяржаўным тэлебачанні.
Пра гэта кампанія паведаміла ў Twitter пасля таго, як беларуская дыяспара Шатландыі правяла акцыю каля іх галаўнога офісу.
«Дзякуй, што звярнулі нашу ўвагу на гэтае пытанне, мы вельмі сур’ёзна ставімся да гэтых пытанняў. У цяперашні час мы праводзім унутранае расследаванне і выявілі, што рэклама транслявалася больш за месяц таму нашым дыстрыбʼютарам у гэтым рэгіёне і больш не паказваецца», – заявілі ў кампаніі.
The letter was delivered by #belarusian diaspora to Mentholatum head office asking the company to stop advertising on #Lukashenka’s regime run TV,where @DeepRelief_UK @DeepHeat_UK adverts run in between programmes where tortures of people are being shown. pic.twitter.com/WnZak5WhmJ
— People`s Consulate of Belarus in Scotland (@p_c_b_s) December 22, 2021
У «Mentholatum» дадалі, што ўсе будучыя рэкламныя кампаніі ў рэгіёне таксама праходзяць ацэнку.
Раней нямецкі канцэрн «Henkel», вытворца вядомых касметычных і мыйных сродкаў, плануе адмовіцца ад рэкламы на беларускіх дзяржаўных тэлеканалах праз парушэнне правоў чалавека ў краіне.
МГ belsat.eu