Краіны Еўрапейскага звязу ўзгаднілі чарговы пакет санкцыяў супраць Расеі. Ён ужо дзясяты па ліку. Аб гэтым паведаміў у сваім Twitter журналіст Радыё Свабода Рыкард Юзьвяк. Інфармацыю пацвердзіла прадстаўніцтва Швецыі ў Еўразвязе.
Паведамленні аб узгадненні санкцыяў супраць Расеі зʼявіліся ў першыя хвіліны 25 лютага.
«Нарэшце (!) дамоўленасці аб новым пакеце санкцый ЕЗ у дачыненні да Расеі. 10-ы ад пачатку ўварвання ва Украіну роўна год таму», – напісаў Рыкард Юзьвяк.
White smoke! finally (!) agreement on the EU’s new sanctions package on #Russia. The 10th since the start of the invasion of #Ukraine exactly one year ago.
— Rikard Jozwiak (@RikardJozwiak) February 24, 2023
У сваю чаргу прадстаўніцтва Швецыі ў Еўразвязе паведаміла, што амбасадары краінаў ЕЗ змаглі дасягнуць кансэнсусу.
It’s one year since Russia’s brutal and illegal invasion of Ukraine.
Today, the EU approved the 10th package of Russian sanctions.
The package includes e.g.:
– Tighter export restrictions regarding dual-use and technology
(1/3)
— Swedish Presidency of the Council of the EU (@sweden2023eu) February 24, 2023
«Сумеснымі намаганнямі дзяржавы-члены ЕЗ увялі самыя магутныя і шырокія санкцыі за ўсю гісторыю, каб дапамагчы Украіне перамагчы ў вайне. ЕЗ застаецца адзіным цэлым з Украінай і ўкраінскім народам. Мы будзем працягваць падтрымліваць Украіну столькі, колькі спатрэбіцца», – гаворыцца ў каментары прадстаўніцтва Швецыі.
Сярод санкцыяў новага пакету – больш жорсткія абмежаванні на экспарт у адносінах да тавараў падвойнага прызначэння і тэхналогіяў і адрасныя абмежавальныя меры ў дачыненні да фізічных асоб і юрыдычных асоб РФ. Апроч таго, у пакеце – меры супраць расейскай дэзынфармацыі.
Антон Тачняк belsat.eu