Украінскі горад Канстанцінаўка Данецкай вобласці ў ноч на 25 лютага зазнаў магутны абстрэл з боку арміі Расеі.
Паводле праваахоўных органаў, у выніку расейскай атакі атрымала раненне 75-гадовая жанчына. У горадзе шмат разбурэнняў: пад удар трапіў чыгуначны вакзал, храм, 2 прыватных і 12 шматкватэрных дамоў, 21 крама, 19 гандлёвых павільёнаў, тры ўстановы адукацыі, пошта, два адміністратыўных будынку і кіёск.
Распачатая крымінальная справа паводле артыкулу «парушэнне законаў і звычаяў вайны».
Паводле звестак пракуратуры, удар наносіўся з выкарыстаннем авіяцыйных бомбаў КАБ-250. Паводле паліцыі, расейцы запусцілі па гораду ракеты С-300.
Таксама 25 лютага зазнаў атаку горад Нікапаль Днепрапятроўскай вобласці: расейскі беспілотнік скінуў выбухоўку на фуру, 57-гадовы кіроўца загінуў. Пашкоджаны будынак прадпрыемства, на тэрыторыі якога знаходзілася машына.
Глеб Нержын belsat.eu
