Раніцай 25 красавіка расейскія войскі абстралялі цэнтр Купянску. Ракеты С-300 разбурылі гарадскі музей. Загінула супрацоўніца музею, паранены 10 чалавек, паведамляе кіраўнік Харкаўскай адміністрацыі Алег Сынегубаў.
«У выніку абстрэлу расейскімі ракетамі С-300 самага цэнтру Купянску пацярпелі 10 мірных жыхароў. Трое з іх шпіталізаваныя, 7 атрымалі лёгкія траўмы, ім аказалі дапамогу на месцы, 2 чалавекі застаюцца пад заваламі», – паведаміў Сынегубаў.
На месцы працуюць усе падраздзяленні ДСНС і медыкі хуткай медычнай дапамогі.
Таксама кіраўнік Харкаўскай адміністрацыі папярэджвае, што верагоднасць новых ракетных удараў па горадзе Харкаву і населеным пунктам вобласці застаецца дастаткова высокай.
Алена Рувіна belsat.eu