Берасцейскія следчыя распачалі крымінальную справу паводле артыкулу «Крадзеж» пасля знікнення вялізнай металёвай скульптуры зубра, расказвае БелТА.
Індывідуальны прадпрымальнік расказаў, што быў у ад’ездзе, а па вяртанні пабачыў, што з тэрыторыі ягонага прадпрыемства знікла незавершаная скульптура зубра. Прадпрымальнік паспеў вырабіць толькі каркас вагою 60 кг, вышынёю 2,2 метра і даўжынёю 3 метры. Кошт скрадзенага ён ацаніў на 800 рублёў.
Гэта, імаверна, не тая скульптура, якую ставілі ў Берасці ў 2021 годзе: тады кавалі з Баранавічаў стварылі фатазону са скульптурамі зубра, цмока, сабакі, льва, паненкі і Іллі Мурамца, самы лёгкі аб’ект важыў 200 кг.
Алесь Наваборскі belsat.eu
