Махляры пад выглядам Мінпрацы крадуць пенсіі беларусаў

У Беларусі пачасціліся выпадкі падману пенсіянераў з боку ашуканцаў. Пра гэта паведамляе Мінпрацы.

Жанчыны сталага веку адпачываюць на лаўцы. Менск, Беларусь. 19 ліпеня 2022 года. Фота: Белсат

Аферысты пад выглядам супрацоўнікаў Міністэрства звязваюцца з пенсіянерамі. Затым яны настойваюць на тым, каб беларусы ўсталявалі «новы» дадатак, інакш выплат ім не відаць.

Важна адзначыць, што налічэнне пенсіі ніяк не звязана з дадаткам Фонду сацыяльнай абароны насельніцтва, таму нельга паддавацца на ўгаворы махляроў.

Калі пенсіянер «абнаўляе» дадатак – зламыснікі атрымліваюць доступ да тэлефона і крадуць грошы. Акрамя таго, у Мінпрацы папярэджваюць, што не варта ўсталёўваць на тэлефон любыя дзіўныя аплікацыі, бо гэта можа быць хітрасцю ашуканцаў.

Новы від махлярства – перахопліваюць кантроль над тэлефонам пад выглядам «Белтэлекаму»

Ася Саковіч belsat.eu

 

Падпісвайся на telegram Белсату

Hавiны