У ноч на 25 чэрвеня а 1:30 ратавальнікам паступіла паведамленне пра загаранне цэху для вытворчасці пенаполістыролу на тэрыторыі філіял № 3 Менскага камбінату сілікатных вырабаў Беларускага цэментнага заводу.
На месцы ратавальнікі ўстанавілі, што адбылося загаранне ў цэнтральным матэрыяльным складзе, дзе захоўваюць алюмініевую пудру, якая выкарыстоўваецца пры вытворчасці газасілікатных вырабаў у металічных бочках аб’ёмам 200 літраў.
А 2:36 работнікі МНС зліквідавалі гарэнне, аднак а 3:22 адбылося паўторнае самазагаранне бочак з алюмініеваю пудраю.
У выніку пажару пашкоджаныя сцены плошчаю 200 кв. м., дах плошчаю 50 кв. м. і 10 тонаў сыравіны ў выглядзе алюмініевай пудры.
Пацярпелых няма, тэхналагічны працэс не парушыўся. Прычыны выбуху на складзе высвятляюцца.
Алена Рувіна belsat.eu