Як паведамляе Следчы камітэт, настаўнік музыкі цягам 15 гадоў учыняў дзеянні гвалтоўнага характару ў дачыненні школьнікаў 6–14 гадоў.
Адзначаецца, што мужчына пакідаў дзяцей пасля заняткаў музыкай і пад выглядам фотасесіяў ды жартаў рабіў непрыстойныя рэчы.
Усе свае дзеянні ён фіксаваў з дапамогай фота- і відэакамеры. Усяго зафіксавана 49 эпізодаў ягонай злачыннай дзейнасці.
Таксама следчыя выявілі шэраг парушэнняў з боку педагогаў школы. Бо дзеці паведамлялі пра здарэнні як адміністрацыі школы, так і сваім бацькам, аднак належнага значэння іхным словам не надавалася.
«У Міністэрства адукацыі накіраванае прадстаўленне аб ліквідацыі парушэнняў закону. На падставе разгляду дакументу дырэктар школы, ягоны намеснік і педагог-псіхолаг адхіленыя ад пасадаў», – гаворыцца ў паведамленні Следчага камітэту.
Раман Шавель belsat.eu
