Беларусу, якому польскія памежнікі некалькі разоў адмовілі ў міжнароднай абароне і якога выштурхнулі з Польшчы, удалося падаць дакументы. Дапамагла юрыдычная падтрымка ініцыятываў Partyzanka і Free Belarus Center.
Раней «Белсат» апісваў гісторыю беларуса, якому на польска-ўкраінскім пераходзе Мэдыка – Шэгіні польскія памежнікі адмовілі ў міжнароднай абароне і выштурхнулі з польскай тэрыторыі са словамі: «Беларусаў і маскалёў мы не прымаем».
Але дзякуючы @partyzanka_official і Free Belarus Center, а таксама @sviatlanatsikhanouskayaoffice 25 кастрычніка маладзёну ўдалося падаць дакументы на міжнародную абарону на тым жа памежным пераходзе.
Беларус 22 кастрычніка спрабаваў заехаць у Польшчу з тэрыторыі Украіны, але яго тройчы разварочвалі польскія памежнікі. Адмовы працаўнікі Памежнай аховы тлумачылі фармальнаю прычынай, а заявы беларуса з просьбаю надаць міжнародную абарону проста ігнараваліся. Пасля дапамогі справа развязалася на карысць хлопца.
Алена Аляксандрава belsat.eu
