Менскі гарадскі суд прысудзіў бацьку семярых дзяцей Максіма Лацунцэвіча да года і 10 месяцаў калоніі па «справе Зельцара» за каментары аб загінулым супрацоўніку КДБ, паведамляюць праваабаронцы.
Максіма Лацунцэвіча прызналі вінаватым паводле арт. 130 («Распальванне сацыяльнай варожасці і варажнечы»), а таксама паводле арт. 369 («Абраза прадстаўніка ўлады») КК. Таксама ён мусіць выплаціць штраф у памеры 100 базавых велічынь (3200 беларускіх рублёў). Такі прысуд вынесла Алена Касцюкевіч.
Лацунцэвіч быў затрыманы 29 верасня 2021 года ў межах крымінальнай справы, якую завялі пасля гібелі Андрэя Зельцара і супрацоўніка КДБ. З улікам ужо праведзеных у зняволенні дзён, яму засталося быць за кратамі крыху менш за месяц.
Да затрымання ён працаваў на заводзе «Аліварыя», выхоўвае 7 дзяцей.
Алена Рувіна belsat.eu