Еўрапейскі звяз гатовы даць адказ на размяшчэнне ядравай зброі ў Беларусі. Аб гэтым напісаў у сваім Twitter вярхоўны прадстаўнік Еўразвязу па замежных справах Жазэп Барэль.
26 сакавіка вярхоўны прадстаўнік Еўразвязу па замежных справах Жазэп Барэль заявіў, што ЕЗ гатовы даць адказ на размяшчэнне расейскай ядравай зброі ў Беларусі:
«Беларусь яшчэ можа гэта спыніць, гэта іх выбар. ЕЗ гатовы адказаць далейшымі санкцыямі», – напісаў Барэль.
Жазэп Барэль таксама адзначыў, што размяшчэнне расейскай ядравай зброі ў Беларусі азначае безадказную эскалацыю і стварае пагрозу еўрапейскай бяспецы.
#Belarus hosting Russian nuclear weapons would mean an irresponsible escalation & threat to European security. Belarus can still stop it, it is their choice.
The EU stands ready to respond with further sanctions.
— Josep Borrell Fontelles (@JosepBorrellF) March 26, 2023
Раней «Белсат» паведамляў, што прэзідэнт Расейскай Федэрацыі Уладзімір Пуцін заявіў аб намеры Расеі размясціць на тэрыторыі Беларусі тактычную ядравую зброю. Будаўніцтва адмысловага сховішча плануецца скончыць ужо 1 ліпеня 2023 года.
Планы Крамля пракаментавала абраная прэзідэнтка Беларусі Святлана Ціханоўская на сваёй старонцы ў Twitter. Ціханоўская падкрэслівае, што размяшчэнне Расеяй тактычнай ядравай зброі (ТЯЗ) груба супярэчыць волі беларускага народу на безʼядравы статус дзяржавы, што было адлюстравана ў Дэкларацыі аб дзяржаўным суверэнітэце Беларусі 1990 году. Ціханоўская абвінавачвае Маскву ў парушэнні Будапешцкага мемарандума і называе Расею «варожай сілай», якая такім чынам «яшчэ больш падпарадкоўвае Беларусь свайму незаконнаму кантролю».
Russia’s deployment of tactical nuclear weapons in Belarus directly violates the Constitution of Belarus and grossly contradicts the will of the Belarusian people to assume the non-nuclear state status expressed in the Declaration of State Sovereignty of Belarus of 1990.
Already… pic.twitter.com/ahSC8KVceT
— Sviatlana Tsikhanouskaya (@Tsihanouskaya) March 25, 2023
Антон Тачняк belsat.eu