Міністэрства абароны ЗША адрэагавала на заяву прэзідэнта РФ Уладзіміра Пуціна пра размяшчэнне тактычнай ядравай зброі ў Беларусі.
«Мы бачылі паведамленні аб абʼяўленні Расеі і будзем працягваць сачыць за гэтай сітуацыяй», – цытуе прэс-рэлізу Мінабароны Reuters.
«Мы не бачым ні прычын для карэктавання нашай уласнай стратэгічнай ядравай пазіцыі, ні якіх-небудзь прыкметаў таго, што Расея рыхтуецца выкарыстаць ядравую зброю. Мы па-ранейшаму адданыя калектыўнай абароне альянсу NATO», – падкрэслілі ў ведамстве.
Пракаментавалі заяву Пуціна і ў Берліне. У МЗС Нямеччыны падкрэслілі, што расцэньваюць словы расейскага лідара як «чарговую спробу ядравага запалохвання», паведамляе DW. У міністэрстве таксама заўважылі, што Беларусь на міжнародным узроўні прыняла на сябе абавязак не размяшчаць атамную зброю на сваёй тэрыторыі.
Глеб Нержын belsat.eu
