«Белсат» падводзіць вынікі апошніх содняў поўнамаштабнай вайны, распачатай Расеяй ва Украіне. Пра галоўныя падзеі станам на вечар 26 жніўня чытайце ў нашым аглядзе.
З моманту поўнамаштабнага ўварвання расейскага войска ва Украіну пайшоў 184-ы дзень. Паводле звестак Генеральнага штабу ЗСУ, за гэты час страты акупантаў дасягнулі 46 250 чалавек забітымі.
На валынскім, палескім і сіверскім кірунках цягам апошніх содняў сітуацыя істотна не мянялася. На апошнім праціўнік здзейсніў абстрэлы цывільнай інфраструктуры каля населеных пунктаў Шалыгіна, Шаўчэнкава і Кацярынаўка Сумскай вобласці.
На харкаўскім кірунку расейцы здзейснілі абстрэлы ваколіцаў населеных пунктаў Харкаў, Сасноўка, Дзяменціеўка, Слаціна, Баршчова, Перамога, Рускія Цішкі, Рубежнае, Лябяжае, Масьпанава і Гусараўка.
На славянскім кірунку праціўнік праводзіў баявыя дзеянні з мэтай утрымання раней занятых пазіцыяў і недапушчэння наступу ЗСУ.
Варожыя абстрэлы былі зафіксаваныя каля Норцаўкі, Дзмітраўкі, Даліны, Мазанаўкі і Багародзічнага.
На краматорскім кірунку былі зафіксаваныя абстрэлы каля Івана-Дар’еўкі, Серабранкі, Цецяноўкі, Грыгораўкі, Званаўкі і Раздолаўкі.
На бахмуцкім кірунку акупанты спрабавалі наступаць каля населеных пунктаў Салядар, Бахмут і Кодзема, але поспеху не мелі.
Варожыя абстрэлы былі зафіксаваныя каля населеных пунктаў Бахмут, Бахмуцкае, Вялікая Даліна, Маёрск, Белагораўка і Якаўлеўка.
На аўдзееўскім кірунку абстрэлы зафіксаваныя каля Невельскага, Вадзянога, Няйталава, Краснагораўкі, Новабахмутаўкі, Нью-Ёрку, Залізнага і Вопытнага.
На навапаўлаўскім кірунку акупанты абстралялі ваколіцы населеных пунктаў Паўлаўка, Новаміхайлаўка, Прачыстаўка, Вуглядар, Валадзіміраўка і Вялікая Навасёлка.
На запарожскім кірунку абстрэлы зафіксаваныя каля населеных пунктаў Вялікаміхайлаўка, Гуляйпольскае, Малінаўка, Белагор’е, Даражнянка, Чароўнае, Арыхаў, Малая Такмачка, Шаўчэнка, Урэмаўка, Шчарбакі, Навасёлка, Палтаўка і Новапаль.
Таксама расейскія СМІ пішуць пра чарговы абстрэл ЗАЭС. Паведамляецца, што чатыры снарады патрапілі ў ваколіцы сховішча радыёактыўных ізатопаў. Ва ўдары расейскі бок абвінавачвае ўкраінцаў.
Разам з тым у акупаваным Бярдзянску падарвалі службовы аўтамабіль прарасейскага намесніка кіраўніка мясцовай ДАІ Аляксандра Калеснікава. У выніку калабарант загінуў ад атрыманых раненняў.
На паўднёвабужскім кірунку свае асноўныя намаганні расейцы засяродзілі на недапушчэнні прарыву з боку ЗСУ. Варожыя абстрэлы былі зафіксаваныя па ўсёй лініі сутыкнення.
Тым часам Служба бяспекі Украіны абвінаваціла ў ваенных злачынствах кіраўніка Чачэніі Рамзана Кадырава і ягоных паплечнікаў Данііла Мартынава і Хусэйна Межыдава.
Кадыраў у аўдыёпаведамленні ў сваім Telegram-канале заявіў, што прымае абвінавачанні СБУ, пасля чаго прапанаваў вызначыць месца, куды ім прыехаць, каб разабрацца.
BK belsat.eu