Частку Электрычнай вуліцы ў Беластоку, дзе месціцца беларускае консульства, пераймянуюць у вуліцу Свабоднай Беларусі – такое рашэнне падтрымалі ўлады гораду. Пра гэта паведаміў намеснік кіраўніка Беластоку Рафал Рудніцкі.
26 верасня прынялі адпаведную пастанову ў гэтым пытанні. «За» прагаласавалі 18 дэпутатаў, супраць былі 3, устрымаліся 7 чалавек.
W #Białystok będzie ulica Wolnej Białorusi, przy której znajduje się Konsulat Białorusi. Dziś uchwałę w tej sprawie podjęła Rada Miasta. Za głosowało 18 radnych, 3 było przeciw, a 7 wstrzymało się od głosu. pic.twitter.com/cfWkTDhGkW
— Rafał Rudnicki (@rafalrudnicki) September 26, 2022
«Рашэнне прынятае. Пасля таго як рашэнне стане канчатковым, запрашаю вас адкрыць таблічку з назваю вуліцы Свабодная Беларусь», – напісаў у Twitter мэр Беластоку Тадэўш Трускаляскі.
Ідэю перайменаваць вуліцу прапанавалі яшчэ ўвесну. Каля консульства на гэтай вуліцы беларуская дыяспара Беластоку ладзіць акцыі пратэсту.
Амаль год таму, у кастрычніку 2021-га, на паўднёвай кальцавой дарозе Варшавы афіцыйна з’явілася кругавая развязка Свабоднай Беларусі (Rondo Wolnej Białorusi).
Алена Рувіна belsat.eu