Прэс-служба Арміі абароны Ізраілю паведамляе пра вызваленне з палону групоўкі «Хамас» 17 закладнікаў.
Закладнікі былі перададзены супрацоўнікам «Чырвонага Крыжа». Сярод іх 14 ізраільцянаў і трое замежных грамадзянаў.
Прэс-служба Цагаль таксама выклала кадры з вызваленым 9-гадовым хлопчыкам, які 49 дзён знаходзіўся ў палоне «Хамасу».
9-year-old Ohad, his mother and grandmother, were released after 49 days in Hamas' captivity on Friday, November 24.
Listen to Ohad’s conversation with an IAF helicopter pilot during his first moments of regained freedom. pic.twitter.com/CcRNzNzsVi
— Israel Defense Forces (@IDF) November 26, 2023
Паводле ТАСС, адзін з вызваленых замежнікаў – грамадзянін РФ, Рон Крывы. Прадстаўніца МЗС Расеі Марыя Захарава сцвярджае, што ён быў вызвалены «па-за спісам абмену», у выніку прамых перамоваў паміж РФ і «Хамас».
Нагадаем, 24 лістапада пачала дзеяць дамоўленасць паміж Ізраілем і тэрарыстычнай групоўкаю «Хамас» пра спыненне агню на чатыры дні. Заяўлялася, што цягам гэтага перыяду «Хамас» мусіць адпусціць 50 жанчын і дзяцей, а Ізраіль вызваліць 150 палестынцаў.
У першы дзень перамір’я баевікі перадалі «Чырвонаму крыжу» 24 закладнікаў, у тым ліку 10 грамадзянаў Тайланду.
Увечары 25 лістапада тэрарысты адпусцілі яшчэ 17 закладнікаў: 6 з 13 вызваленых ізраільцянаў былі жанчынамі, а 7 – дзецьмі і падлеткамі. Ізраіль у сваю чаргу вызваліў з турмаў 39 палестынцаў.
Глеб Нержын belsat.eu