У пасажырскім аўтобусе, які ехаў з Літвы ў Беларусь, памёр мужчына. Надзвычайнае здарэнне адбылося на памежным пункце 25 лютага, піша рэсурс 15min.lt.
На памежным пераходзе «Райгардас» у пасажырскім аўтобусе выявілі цела памерлага 53-гадовага грамадзяніна Беларусі. Аўтобус рухаўся паводле маршруту Варшава – Беласток – Горадня.
Вядома, што мужчыну ў дарозе стала блага, ён памёр. Паліцыя пачала расследаванне прычынаў смерці. Аўтобус працягнуў свой маршрут.
Алена Аляксандрава belsat.eu
