Беларуская асацыяцыя журналістаў названая лаўрэатам Сусветнай прэміі ЮНЭСКО / Гіллерма Кана за ўнёсак у свабоду прэсы. Гэтак 27 красавіка пастанавіла журы прэміі.
Сусветная прэмія ЮНЭСКО / Гіллерма Кана за ўнёсак у справу свабоды прэсы прысуджаецца за спрыянне або значны ўнёсак у справу абароны свабоды слова. У лютым 46 дзяржаваў вылучылі БАЖ на атрыманне прэміі. Іх падтрымалі шмат якія журналісцкія арганізацыі свету.
З ліпеня 2021 года офіс БАЖ у Менску застаецца заблакаваны пасля нападу сілавікоў, а саму арганізацыю пазбавілі рэгістрацыі. 24 прадстаўнікі медыяў сёння за кратамі. Але БАЖ працягвае працу.
ПС belsat.eu
